I Projeti de l’Academia

  • Concorso Łetaràrio

    L’Academia ła intende tènjar un “Concorso Łetaràrio”, ano par ano, de modo da anemar ła produsion poètega e prozàega del Veneto, e na mejo sircołasion de ła łengua par tute łe só forme scriveste e anca solche parlà.
    Sèvita lèzar

  • Tradusion in Veneto dei Clàseghi de ła łetaradura mondial

    Inte i ùltemi secołi, racuanti clàseghi de ła łetaradura mondial i xe stà voltà par Veneto del tuto o par parte. L’Academia ła tien caro de seitar drio ‘sta bona pràtega e de crésar el vałor de ‘sti łauri creando na rede de traduturi, de modo da otimizar łe fadighe e garantir el zlargamento del nùmaro de clàseghi mondiałi che se pol łèzare par Veneto.
    Sèvita lèzar

  • Lettering, font e nove nesesità de scritura del secoło XXI

    L’Academia ła crede che el Veneto scrìvar el se cataria insentivà dal dezviłupo de na serie de fonts, co caratarìsteghe spesìfeghe. I tipi che simo drio projetar par el Veneto i sarà buni de reprezentar a colpo de ocio l’armonia parfeta tra el scrivesto e el parlà de ła Veneta Łengua.
    Sèvita lèzar

  • Projeto Łengua e Arte

    Spesialmente inte łe culture orientałi, A xe stà dezviłupà grandamente ła capasità de contaminar ła łengua e l’arte, co rezultadi mirabiłi: el métar insieme ‘sti do modi de espresion el inbastise un canpo novo e che’l ciama ben par ła sperimentasion artìstega inte ła Veneta comunità de artisti e scrituri, che l’Academia ła incoraja co partigołar atension.
    Sèvita lèzar

  • Projeto Łengua e Web

    A xe de inpenjo de l’Academia che l’oferta de materiałi łenguìsteghi, informasion e conpetense venete online ła se oriente drio un aprocio multimedial, cusì carburando el progresivo e integral dezviłupo de ła łengua par tute chełe forme e chełi mèzi de espresion prezentà dal marcà global de łe idee e de łe tecnołogie.
    Sèvita lèzar

“[Venetus est] pulcherrimus et doctissimus omnium sermo, in quo redolet tota linguae Graecae maiestas”

Ponticus Virinius (1460-1520)