Orìzene de ła Veneta Łengua

I primi ciari del Veneto parlar

Inte i só primi moti inte’l secoło IX, ła Veneta Łengua ła mostrava uncora na somejansa granda col Latin. Una dełe descoverte documentałi pì asè inportanti de chel parìodo ła xe el cusì-dito “Indovinel Veroneze”: un testo medievałe catà fora a Verona, co caratarìsteghe che łe marca el scuminsio del parìodo de tranzision dal Latin medievałe verso de ła nàsita de na nova łengua inte l’area Veneta. Riesito a intivar cuała che ła xe ła sołusion de l’Indovinel?

N’altro documento prasiozo ben, el “Ritmo Belumat”, el demostra co ciaresa arcuanta che el prosèso de nàsita łenguìstega de ła Veneta Łengua el zera bel che finì fora almanco inte’l secoło XII.
Col fato che, par ‘deso, el Ritmo Belumat el xe el pì vecio documento catà che el mostre dezà racuanti fenòmeni łenguìsteghi del Veneto del dì de uncó, A se pol dir co na alta gradasion de segurità sientìfega che fin uncó el Ritmo Belumat el reprezenta el primo vero toco de łetaradura inte ła forma maùra de ła Veneta Łengua.

“…J’équiperai un autre vaisseau,
J’irai t’attendre à Venise:
c’est un pays libre où l’on n’a rien à craindre …”

Voltaire, “Candide” (Cap.XIX)