El sistema gràfego par saldar sù ła Veneta Łengua

Veneto: na Łengua Intarnasional

Ła Veneta Łengua inte ła só forma scrivesta ła va indrio fin ała fin del secoło X. Ła ga ‘vesto orìzene inte ła rejon de ła Venesia, ‘ndove che ‘deso ła conta pì o manco 5 miłiuni de parlanti.
Racuanti altri miłiuni de parsone i parla par Veneto inte’l sud del Brazil e so altre comunità pì picenine in volta pa’l Mondo.

L’Academia ła łaora par recostruir el prestizo intarnasional de ła Veneta Łengua, e col fato che ła xe parlà al dì de uncó da miłiuni de parsone so cuntininti difarenti, A podemo dir sensa dubio che ła ga dezà bone probabiłità de deventar (da novo) na łengua intarnasional.

“In quelo tenpo che misier Balduino era inperador de Chostantinopoli, che fo ani MCCL, misier Nichuola Pollo, che fo pare de Marcho, e misier Mafio Pollo, fradelo de misier Nicollò, valenti e savii e avezuti, se partìno de Veniexia e andò chon suo’ merchadantie in la zità de Chostantinopoli. E llì àveno chonseglio de dover andar plui innanzi, et per sua utilitate et per sue mercadantie.”

Marco Polo, Milion.